உஷார்..! அக்கா Whatsapp-க்கு வந்த மெசேஜை நம்பி… மொத்த பணத்தையும் அனுப்பிய தம்பி… அடுத்தடுத்து காத்திருந்த அதிர்ச்சி…!!

Whatsapp மூலமாக பரிசு பொருள் கிடைக்கும் என்று நம்ப வைத்து எட்டாம் வகுப்பு படிக்கும் மாணவனிடம் இருந்து ஜிப்பே மூலமாக 45 ஆயிரம் மோசடி செய்த மர்ம நபர் மீது போலீசில் புகார் அளிக்கப்பட்டது. வேலூர் மாவட்டம் குடியாத்தம் பகுதியில் வசிக்கும் இளம்பன் ஒருவர் டெய்லர் வேலை செய்து குடும்பத்தை நடத்தி வருகிறார். அவரோடு 13 வயது தம்பியும் வசித்து வருகிறார். இந்த சிறுவன் தனியார் பள்ளி ஒன்றில் எட்டாம் வகுப்பு படித்து வருகிறார். இந்த நிலையில் தன்னுடைய அக்காவின் செல்போனை பயன்படுத்தி வந்துள்ளார். கடந்த இரண்டு தினங்களுக்கு முன்பாக அந்த செல்போனுக்கு whatsapp மூலமாக ஒரு மெசேஜ் வந்துள்ளது. அது 70 ஆயிரம் மதிப்புள்ள பரிசு பொருளை வென்றுள்ளீர்கள் இது பிரான்சிலிருந்து கொரியர் மூலம் அனுப்பப்படுகிறது. அதை பெற குறிப்பிட்ட கட்டணத்தை செலுத்த வேண்டும் என்று தமிழில் எழுதப்பட்டுள்ளது.

இதை உண்மையான நம்பிய சிறுவன் அக்காவிடம் சொல்லாமலே ஜி பேயில் இருந்து முதலில் 5000 ரூபாய் அனுப்பியுள்ளார் .அதன்பிறகு தொடர்ந்து வாட்ஸ்அப்பில் மெசேஜ் வந்ததால் மீண்டும் மீண்டும் பணத்தை மொத்தமாக 45 ஆயிரம் ரூபாய் அனுப்பி உள்ளார். அதன்பிறகு பரிசு பொருள் டெல்லி விமான நிலையத்தில் சிக்கி உள்ளது அதில் 70 ஆயிரம் டாலர் இருப்பதால் அதற்காக மேலும் ஒரு லட்சத்து 60 ஆயிரம் கட்டணம் செலுத்த வேண்டும் எனவும் அதை அனுப்பினால் உடனே பொருள் கிடைக்கும் எனவும் மீண்டும் மெசேஜ் வந்துள்ளது .இதனால் அதிர்ச்சி அடைந்த சிறுவன் எங்களிடம் பணம் இல்லை ஏற்கனவே அனுப்பிய பணத்தை திருப்பி கொடுங்கள் என்று கேட்டபோது அதற்கு பதில் வரவில்லை.

பிறகு அந்த நம்பருக்கு போன் செய்த போது ஸ்விட்ச் ஆஃப் செய்யப்பட்டு இருந்தது. காலையில் அவருடைய சகோதரி ஆன்லைனில் பொருட்கள் வாங்க ஜிபே கணக்கை பார்த்தபோது பணம் இல்லாமல் இருந்துள்ளது. இதனையடுத்து தம்பியிடம் விசாரணைத்ததில் பரிசு பொருள் கிடைக்கும் என்ற நம்பிக்கையில் 45 ஆயிரம் ரூபாய் பணத்தை அனுப்பியதாக கூறியுள்ளார். இதை கேட்டு அதிர்ச்சி அடைந்த அக்கா அது மோசடி என்பதை உணர்ந்து சைபர் கிரைம் போலீசில் புகார் அளித்தார். இது குறித்து போலீசார் விசாரணை நடத்தி வருகிறார்கள்.