CINEMA
கணவருடன் கோவாவுக்கு ட்ரிப்.. மாடர்ன் மங்கையாக மாறிய பிக்பாஸ் தாமரை.. வைரலாகும் பிக்ஸ்..!
பிக் பாஸ் நிகழ்ச்சியில் கலந்துகொண்டு பிரபலமான தாமரை தனது கணவருடன் கோவா சென்றிருந்த புகைப்படங்கள் இணையத்தில் வெளியாகி வைரலாகி வருகின்றது. பிக் பாஸ் நிகழ்ச்சி மூலமாக பலருக்கும் நல்ல வாய்ப்பு கிடைத்து இருக்கின்றதா? என்று கேட்டால் சந்தேகம் தான். ஒரு சிலர் மட்டுமே அந்த நிகழ்ச்சி மூலமாக ஜொலித்திருக்கிறார்கள்.
அதில் முக்கியமானவர்கள் என்று பார்த்தால் கவின், லாஸ்லியா, தாமரை போன்றவர்களை கூறலாம். பிக் பாஸ் நிகழ்ச்சி மூலமாக பெரும் புகழையும் பெற்றவர் தாமரை. நாடக கலைஞராக இருந்த இவருக்கு பிக் பாஸ் நிகழ்ச்சியில் கலந்து கொள்வதற்கு நல்ல வாய்ப்பு கிடைத்தது. அதனை சரியாக பயன்படுத்திக் கொண்ட தாமரை சிறிது நாட்களிலேயே மிகவும் பிரபலமானார்.
தனது பேச்சுத் திறமையால் சிறந்த போட்டியாளராக விளங்கிய இவர் பிக் பாஸ் வீட்டில் நீண்ட நாட்கள் தாக்குப் பிடித்தார். நாடக கலைஞராக இருந்த இவர் கூத்து கட்டி தனது குடும்பத்தை காப்பாற்றி வந்தார். ஆனால் பிக் பாஸ் நிகழ்ச்சி மூலம் இவரது எதிர்காலமே மாறியது. பிக் பாஸ் நிகழ்ச்சிக்கு பிறகு பிக் பாஸ் ஜோடிகளில் கலந்துகொண்டு தனது நடன திறமையை காட்டிய தாமரை தொடர்ந்து நிகழ்ச்சிகள், சீரியல்கள் நடித்து வருகின்றார்.
தற்போது விஜய் டிவியில் ஒளிபரப்பாகும் சின்ன மருமகள் தொடரில் கதாநாயகியின் அம்மா கதாபாத்திரத்தில் நடித்து வருகின்றார். அது மட்டும் இல்லாமல் சொந்தமாக யூடியூப் சேனல் வைத்திருக்கும் தாமரை அதில் பல விஷயங்களை பகிர்ந்து அதிலும் சம்பாதித்து வருகின்றார். சரியாக வீடு இல்லாமல் கஷ்டப்பட்டு வந்த தாமரை தற்போது பிக் பாஸ் நிகழ்ச்சி மூலமாக தனது வாழ்க்கையை மாற்றி இருப்பது அனைவருக்கும் மகிழ்ச்சியாக இருக்கிறது.
இந்நிலையில் தாமரை தனது கணவருடன் கோவாவிற்கு டூர் சென்று இருக்கின்றார். எப்போதும் புடவையில் கலக்கி வரும் தாமரை மார்டனாக விமான நிலையத்தில் கணவருடன் எடுத்துக் கொண்ட புகைப்படங்கள் இணையத்தில் வெளியாகி வைரலாகி வருகின்றது. கோவா சென்றிருக்கும் அவர் அங்கு மாடர்ன் உடையில் வலம் வருகிறார். இந்த புகைப்படங்கள் இணையத்தில் வைரலாகி வருகின்றது.
