ராஜஸ்தான் மாநிலம் ஜோத்பூரில் உள்ள காந்தி சாந்தி பிரதிஷ்டான் வளாகத்தில் ‘காக்ரோச் ஜனதா கட்சி’ சார்பில் “கல்வியைக் காப்போம், நாட்டைக் காப்போம்” என்ற தலைப்பில் கலந்துரையாடல் கூட்டம் நடைபெற்றது. அப்போது, அகில பாரதிய வித்யார்த்தி பரிஷத் மற்றும் பாரதிய ஜனதா யுவ மோர்ச்சா அமைப்புகளைச் சேர்ந்த சிலர் காம்பவுண்ட் சுவரை ஏறி குதித்து வளாகத்திற்குள் நுழைந்து, முழக்கங்களை எழுப்பியவாறு வன்முறையில் ஈடுபட்டனர். இதில் சிஜேபி தொண்டர் ஒருவர் அறையப்பட்டதாகவும், ஆடைகள் கிழிக்கப்பட்டதாகவும் கூறப்படுகிறது.
இச்சம்பவம் குறித்துத் தகவல் அறிந்த ஜோத்பூர் போலீசார் உடனடியாகச் சம்பவ இடத்திற்கு விரைந்து வந்து மோதலைத் தடுத்து நிறுத்தினர். வன்முறையில் ஈடுபட்டதாக 11 பேரைப் பொலிஸார் பிடித்துச் விசாரணை நடத்தி வருகின்றனர். முன்னதாக ஜெய்ப்பூரில் சிஜேபி தொண்டர்கள் தாக்கப்பட்ட நிலையில், ஜோத்பூரிலும் நடைபெற்ற இந்தத் தாக்குதல் சம்பவம் அப்பகுதியில் பெரும் பரப்பரப்பை ஏற்படுத்தியுள்ளது.